ok1
الأحد، 26 يونيو 2011
الأربعاء، 8 يونيو 2011
طول عمرى حاسس بيكى
كتبت فيكى اشعار واغانى
قالوا عليا دا واد مجنون
لانى قلت صعب انساكى
أو أنسى يوم هواكى
وانك عندى كل حياتى
قالوا عليا دا واد مجنون
وشكله كدا مش مهموم
ولا حس بمشاكلك يوم
قلت وماله اكون مجنون
بحب بلادى واكون مهموم
بس أنا عمرى ما سبت بلادى
بس أنا رافض اكتب شعر
يقول ويوصف ماَسى
هكتب شعر يوصف أيه
ويقول أيه
اكتب عن محمد ويا أخوه
والفلوس بينهم قيود
ولا اكتب عن عيسى ويا جاره
والصراع عايش ومش هيموت
شعرى صعب يقول ماَسى
شايلها قلبى من سنين
قلبى شايل حمل صعب
لو يعرفوه يموتوا بيه
لو سبت شعرى يوصف حالى
هيدخل قلبى يلاقى هموم
وهيطلع وهنغرق فيها
عرفتوا ليه شعرى عاجز
يوصف شعب دايما عاجز
انه يدمر فكر غريب
انه يجمع شمل بعيد
ويرجع حب مسافر
حب فى قلب كله جروح
دا صعب احساسك بان كل شئ منك يروح
وانك تعيش فى وطن دايما مجروح
مجروح لانك عايش فيه
وبتفرق بين اللى فيه
مسلم ولا مسيحى عايز ايه
عايز منى فكره وعلم
ولا خراب ودمار على طول
مسيحى ومسلم هتفرق ايه
طول عمرنا عايشين مع بعض
ولا حد هيقدر علينا
طول ما ايدينا ويا بعض
صحوا الفكر من جواكم
واحيوا الحب اللى اتقتل
وسيبونى لوحدى احب
واكون مجنون بحب بلادى
واكتب عنها اشعار واغانى
ولا اكتب عنها اى ماَسى
احمد كمال
ثوره 25 يناير
قامت ثوره يا ناس فى ميدان
لمت ناس من كل مكان
فضلوا ينادوا بعلو الصوت
عايزين نغير عشان نرتاح
فضلوا ينادوا ياناس أيام
واضرب منهم كتير مـ الناس
وقالوا عليهم عيال سيس
ودماغهم كلها تهييس
فضلوا يقولوا يلا ياشاطر
روح بيتك يلا ونام
اعتبروهم والله عيال
وفى الحياة ملهمش مكان
بعتوا حصنه ويا جمال
وكاننا فى حرب زمان
فضلوا ينادوا بالتغيير
ورفعوا شعار الرحيل
وجالهم يوم واتغيروا
وحسوا بالفرق الكبير
وانا كان نفسى اكون شهيد
وفى الثوره اكون تاريخ
أو حتى أكون جريح
وعلى الارض واكون طريح
دا انا بجرى عليكى يابلدى وانادى
مهما ان كانت بيا هموم
دا انا بحضن ارضك ويا ترابك
وهفضل فيكى لحد ما اموت
وانا نفسى اطمن عليكى
واشوف نظره عنيكى
واحس بلهفه قلبك
لما ابعد عن عنيكى
بينا يلا كلنا نحميها
ونعمر كل ما فيها
دى بلدنا وغاليه علينا
وفى قلوبنا زى عنينا
دا احنا كنا مزلولين
وفى الزحمه محشورين
ومن الهوا ممنوعين
والثوره قامت فى كل حته
غيرت حاجات كتير
وشباب بيهتف لا للتخريب
ورئيسنا سافر خلاص وهج
بعد ما خلا سكوتنا اتهد
دا انا ضد انى اعيش مزلول
ومن الحياه اكون معدوم
هقول رايئ وانا منصور
وبعلو صوتى واكون مبسوط
عاشت مصر بينا قويه
فى اى صعاب تعدى تفوت
وهنخلى الغريب يتهد
ومن الوكسه يولع ويموت
احمد كمال
السبت، 4 يونيو 2011
الجمعة، 3 يونيو 2011
هذا هو شعورى
اشعر بالموت يلاحقنى
ودموع الخوف ترويتى
وضياع الحلم يكوينى
وبكائى عليك يا وطنى
يرهق قلبى ويدمينى
اشعر بالخوف على وطنى
ودماء شهيد تحيينى
واحدت نفسى ولا تدرى
من يسمع صوتى وانينى
خوفى على وطنى يقتلنى
واحلامى اليه تحيينى
وادافع عن وطنى بدمى
واغنى اغانى من شعرى
حتى يرقى ويبهينى
صامت شعرى عن مدحه
وكيف يمدح وطن يرضينى
يمتلك شباب ذو كلمه
والحلم اساس التغيير
وطنى لازلت منارتى
اذا اضللت تهدينى
لازلت صغيرا فى حبك
ومن مثل حبك يكفينى
\
احمد كمال
الخميس، 2 يونيو 2011
اهاجر واسيبك لمين
شايفه احساسى من جوايا
شايفه عنيا بتعمل ايه
لما بتقرا هجره وغربه
ايوه بدمع طب اعمل ايه
ايوه انا راجل وبدمع ليكى
خوفى عليكى
لهفتى ليكى
شوقى لحضنك ويا حنينك
ايوه عليكى انا دمعت
هاجى فى يوم وابات فى حضن غريب
دا مستحيل
اهاجر ارضك وامشى بعيد
احساس صعب يتوصف
ولا ريشه تثدر ترسمه
ولا شعر يقدر يوصفه
ولا قلبى يقدر يكتمه
ايوه بخاف انى اسيبك
ما انتى حبيبتى
وانتى صديقتى
ولمانى فى وقت الضيق
ومعيشانى كتير حنان
ايوه سعات بلاقى صعاب
بتختبرينى
بتشوفى حبك وصل لفين
متخافيش
حبك جوايا دايما عالى
عايش ولا نهر جارى
شامخ دايما وسط الريح
بحبك والله وقلبى غويط
عشان ميخفش من حاجه
لازم يطلع حبك من جوايا
ويملانى بعطر النيل
احمد كمال
احمد كمال
شخابيط قلم
أخبار أهرام جمهوريه
والحياه مبقتش عاديه
والحقيقه عنى لسا مستخبيه
سألت ابويا فى يوم عنها
رد على وقالى كلمه
قلى يا ابنى الدنيا قصر
واحنا فيها عبيد
اوعاك يوم تتعالا
وتقول كلام عنيد
وعايزك تكون فيها
كانك واحد غريب
وسيب الحقيقه ومتسالش عنها
وخليك فى حالك وابعد بعيد
رديت عليه بسرعه وقلت كلمتين
ممكن اعيش عبد لقصر الدنيا
بس انا عندى لسا نظره خير
دا الليل لسا مليان امل
والحلم فيه ملوش تمن
والقصر هيكون ملكى
طول ما انا قادر على العمل
بصلى بصه غريبه
وضحكلى ضحكه اكيده
وقلى صحيح
صحيح الليل مليان امل
والحلم فيه ملوش تمن
بس الحياه مش ليك
والقصر مش ليك
والحلم تحقيقه مش ليك
الحياه والقصر والحلم
لناس تانيه احق بيه
ناس عاليه باصل عريق
مش زينا على قد حالنا
ويومنا بيعدى بالتلزيق
رديت عليه وقلت رايئ
هما ناس من اصل طين
ويمكن كانوا يوم شحاتين
بس كانوا بيحلموا
ووصلوا للى حلموا بيه
بص يا ابا على الامير
كان اصله ايه
كان اصله طين
دلوقتى بس اصبح اصله امير
انا مش هسلم للى فات
ومش هعيش بدون امل
ولو حتى حلمى
هوصله دا شئ محال
والقصر هيكون ملكى
وهكون انا ليه ملك وامير
بنحبك يا مصر كلنا
بحبك يا مصر
فاق الوطن م النوم
وصرخ بعلو الصوت
انا نفسى اتحرر
صحا قلوب ملايين
ضحوا عشانه كتير
عرفوا وشافوا الجنه
مليانه بالمرمر
وناس وبالملايين
نزلزا على التحرير
صرخوا وقالوا يارب
هون علينا الكرب
صلوا فى وسط حصار
وحاوطهم الاقباط
وقالوا احنا دايما
عايشين بايد واحده
كتب التاريخ احداث
وبيحكى بيها الناي
وقت صلاه اقباط
حاوطهم الاسلام
مين قال عن الفرقه
وضمر الوحده
وصرخ بعلو الصوت اتفرقوا
كداب ومخادع نصاب
وضحك على عقول الناس
بس رجعنا بسرعه وافوى
ورجعنا ضمير الناس
وانا اقدم واحد فيكى يامصر
بيبكى عليكى
ودلوقتى عايش وفرحان بيكى
لانك طول العمر
بتندهى ليا
وماسكه ايديا
وخايفه عليا
وشايله عنى كتير م الهم
وحمل كان عمره ما يتلم
بحبك يا مصر
بقولها بقالى كتير
وعلمك رايه فى دمى
عمره ما يضيع
وحلمى بيكى دايما اقوى
لانى بحبك يا مصر حب كبير
الاشتراك في:
الرسائل (Atom)