طفله بريئه

اه على عقل صغير لطفله



باتت حزينه لفقدان اباها


باتت والدمع على خدها


بلل ثوبها وخداها


ظلت وحيده فى الليل


والدمع والحزن كان شكواها


نامت وحلمت بدم اباها


الذى كان يصفى امام اعينها


وهى واقفه لاتدرى ما معنى


موت اباها


ظلت تتمتم بكلمات صغيره


وتهمس ولا احد يسمع شكواها


وظلت تنظر لصوره اباها


وتقول


ابى حقا اننى لا اراك ثانيتا


احقا انك لا ترجع كى تمسح دمعتى


احقا انك لا تعود لكى تداعبنى


يقولون الناس انك رحلت وتركتنى


ابى اننى لا اصدق كلامهم


فكلهم كاذبون


ابى لن انساك ابدا لانك ستظل معى


ارجوك لا ترحل عنى وتتركنى


وبايدى حنونه تودعه


والدمع يسرى على وجهها


وبجوارها امها صامته


لا تنطق بكلمه واحده


وقلبها يكاد يتقطع


على زوجها وحزن طفلتها


التى باتت حزينه لفقدان اباها

محكمه القلوب

محكمه القلوب



صرحت مصلحه سجون القلوب عن فتح ابواب القلب لاستقبال مجرم جديد اسمه غريب يدعى الحب


والى تفاصيل الخبر


جائنا البيان التالى مع مراسلنا حيث جاء بالاتى


صرحت مصلحه سجون القلوب عن الانباء التاليه حيث صرحت المحكمه عن حبس المتهم المدعوا باسم الحب وذلك فى تهمه انه يدخل القلوب بدون اى مقدمات او استئذان


وعندما وجهت المحكمه سؤال للمتهم عن السبب فى اقتحام القلوب كان جوابه :هوا ده مكانى دايما بس لما بيجى الوقت المناسب بدخل وياريت مطلعش منه:


وطبعا ده مش سبب كافى لتبرير التهمه


وحكمه المحكمه عليه بالسجن فى شريان القلب الجميل طول فتره جلوسه مع الحبيب


كان معكم مراسل تليفزيون الحب الكبدى الحائر من امام محكمه القلوب عن طريق الشريان الطائر وسط الدماء المتدفقه


الى حكم اخر المره القادمه

التفاؤل

الموضوع :التفاؤل
كتابه:دينا

عندما تثقلنا الأحزان وتمتلئ قلوبنا بالآهات والهموم

ننظر لمن حولنا فنرى السعيد والمتفائل والمبتسم فنعجب لأمرهم!

 كيف يبتسمون لأننا نكون قد نسينا الإبتسامة من غبار الهموم

 لكنهم سيرون ذلك اليوم الذي سيتمنون به الفناء ويكرهون به الدنيا

ونحن بالمقابل نعود مرة أخرى للتفاؤل وننظر للدنيا بمنظار التفاؤل والحب ونعشق الحياة ...

 لكن لا تعتقد دائما بأن من يبتسم يكون قلبه مغمور بالفرح

ربما يكون ذلك الظاهر والحقيقة هي عكس ما يبدو

فعلينا أن نعلم بأن الحياة بها الحلو والمر

ولنعلم بأنه مهما حاصرتنا الهموم فإن هنالك يوما جميلا بانتظارنا ...

قالها من هو أدرى إن بعد العسر يسرا

فلا تحزن: فإن هناك من هو أعلم بأحوالنا وأقرب الينا من حبل الوريد

 يحبنا فنحن عباده خلقنا لنكون خلفاءه في الأرض

 فلنسعى ونعمل ما كلفنا به فلا يكلف الله نفسا إلا وسعها

مجلس الشعب

مجلس شعب



عايشين دايما كأبه


وكاننا عايشين فى غابه


من كتر الغلب انا هتكلم


اكتب ايه واقول ايه


انتخابات شعب لزمتها ايه


دفع مليون عشان ينجح


ومليون تانيه عشان تصويت


علقلى صوره


هتدفع كام


200جنيه دا سعر رخيص


لف هنا ولف هناك


ياترى هتشترى الصوت بكام


لكل مكان وله تسعيره


والحق خلاص ملهوش بينا مكان


تقدر تقولى فى تزوير


تتشحن بسرعه ولا علبه سردين


ولاد العم قصتهم ايه


مع بعض ولا ضد بعض


طبعا طبعا ضد بعض


يبقا هيكون موت وخراب ديار


قفل بسرعه الصندوق وارميه فى اى مكان


والشعب يطلع ويخرب


شعب مخدوع بالاوهام


ناس خلاص ملهاش وجود


ومرشحين ملهاش عقول


علمونا ازاى ندمر ونخرب


ونسيوا يعلمونا خالص

كلام له لزوم فى الحياه




كاريكاتير:واحد ولا اعرفه ولا يعرفنى

محبوبتى

محبوبتى



انى اعشقك


فلما الفراق


تقسى الليالى على


ويكون حبك الدواء


لم يغب لى جفن الا برؤيتك


فهل سيطول الغياب


أتذكر كلماتك نحوى


فيملائنى حبا وحياه


محبوبتى


انى بانتظار رجعتك


فهل بعد الموت حياه


تركتينى وفارقتى الدنيا


فهل من شئ يستحق العناء


اخبرينى هل انتى ميتة


أم ان حبى لكى هو الذى قد مات


أخبرينى ولا تخافى من رد الجواب


ولكن كيف تخبرنى وهى قد ماتت


ماتت ورحلت ومعها حبى

الى يوم الحساب

ومضه

لا يوجد شى يستحق الحزن فكل شئ خلق من أجلى أجلك
وأنت تمتلك القدره على أستخدام قوتك فى ما يحيط بك
فلا تحزن فالله معك
ولا تيأس فالقدره لديك
بادر بقوتك وايمانك بذاتك فى تحقيق حلمك بسعاده
ستجد كل شئ  يبتسم من حولك
                                                                         احمد كمال

مش عايزك تنام يا قلم

صوتك وأنت بتكتب صحا الناس



وقلقهم وهما فى عز نومهم


خليتهم يكرهوك من غير ما يشوفوا كلامك


وأنا مش هقولك وطى صوتك يا قلم


لا هقولك حسن خطك

 عشان إللى مش سامع يقرا


وميتلككش فى يوم

ويرمى العيب على صوتك


عايزك تصحا

 وتصحى ضميرك

اللى مش عايزه من جواك يخاف


أوعا تخاف مـ الناس ولا من عمايلهم


خلى صوتك دايماً عالى

وخطك فى عيونهم واضح


ومترفعش راية الخوف

 مهما كان العذاب


وخليك دايماً فاهم

 أن الحق دا شئ واضح


هيحبسوك

 ويبهدلوك

ويعذبوك


بس اكتب طالما خطك لسا بخير


ولو كسروا سنك متيأس

هيطلعلك سن جديد تكتب بيه


وبخط كمان أوضح

والعالم كله يحلف بيه


واللى يدايقك أكتب عنه


وعرفوا أنك صاحى فـ عز الليل


ومهما كان برد الليل

 أطلع وأكتب على كل بيت


صحوا ضميركم اللى أتقتل

ورمتوه وقفلتوا عليه


ومن غير مقاومه أو صراع

أوعا يغرك يوم صوتك


وتتقلب وتبقا من الأعداء


خلى صوتك دايماً صاحى وفايق


وأوعا فى يوم تنام


لحسن حد يحس يضعفك


ويفضل صوتك مش مسموع


لغاية ما تموت مـ الحسره


على صوتك اللى كان مسموع

(...........)

قد طال شوقى وحنينى الى حلم ضائع


أبحث عنه من سنين


لعلى ألتقيه واحضنه


فحفرت فى نفسى اخاديد عميقه


اكتم بها مشاعرى


لطالما مرت بها سنين


عشت باكيا


يائسا


مقهورا


راضيا بالهزيمه والضياع


اصبحت كبقايا متناثره


تلعب بها الرياح


انهارا من الدموع


سالت على خدى


فمن ياترى يمسحها؟


سوى يداى


دعونى ابكى على الايام


دعونى القى هما على الاكتاف


دعونى لغدا


انظر


وافكر


كى ارتاح


فواقع الدنيا اصبح مؤلما


عبثا بلا جدوى اصبح حالنا


وليس لنا حق


طالما أضعنا الاحلام

لا

أنا مش حابب سكوتى

ورفضى أنى أقول الحق

جيت فى مره عليت فى صوتى

وقلت لا

حتى صوتى رافض يطلع

ويقول للظلم لا

علمونى اعيش واحب

ونسيوا يعلمونى لا

كل حاجه بقول طيب

والحال ماشى ومفيش حل

أمتى هكسر مره سكوتى

واتحدى واقول لا

نفسى اقولها بعلو صوتى

واتعلم انى اعيش صح

رشوه طالعه فى كل حته

وتتكلم يقلولك لا

بقول طيب لكن بعدين

حكايتنا هتوصل لفين

لا ولا والف لا

لسكوتى وضعفى لا

هخاف من ايه ما انا ميت

عايش متهان بقولى لا

لا وبعلو صوتى بقولها ليكم

مين خدعكم

ومين موت قلوبكم

من خلاكم كدا ضعفاء

مين كسركوا

وخرصلكوا صوتكوا

مين عيشكم كدا فالرعب

مين خلاكم كدا جبناء

يا معدومين بعيشه عدم

ومجروحين

بقلوب متشال منها الامل

قولوا يلا بعلو صوتكوا لا

وعلو صوتكم وقولوا لا

بقلمـــــــ احمد كمال

اعرض مواضيعك

لعرض مواضيعك على ادينا بندردش
ابعت موضوعك عليه اسمك على
ahmed_kamal5536@yahoo.com

دعوة من اجل ايقاظ الفكر والابتعاد عن الجهل والخرافات مولد سيدى وستى

ايوه يا بيه عايز ربنا يكرمك وتبقى وزير روح لسيدك قناوى وأدبحله معزة وهو هيكرمك.

ايوه يا ست ولا يا حجة نفسك تجيبى ولد روحى لستك عبلة مواهب وابكيلها شوية وأعمليلها حلة فتة وهى هتحققلك إللى فى بالك.

يلى نفسك تتجوز وممعكش حاجة يلا روح استلف أو حتى اسرق وأرضى سيدك بهلول فى المولد بتاعه.

وأنتى يلى نفسك فى شكل جميل وجسم مفيش بعد كدا وعريس غنى ونزيه اتصلى بيا وأنا هدلك على أقرب ولى عندك وروحيله وبعدين أدعيلى.

وأنت يلى ملكش بيت أو حتى نفسك تعيش عاله على الناس يلا لف الكون واضحك على الناس وعيشهم انك عايش فى ملكوت تانى مع أسيادك الأموات وأعملهم أنك زاهد.

 

10 مليون

الرقم ده عايزكم تتخيلوه معايا ده ممكن يعمل أيه؟

الرقم ده كان حصيلة إحدى المساجد فى مصر فى إحدى السنين من صندوق النذور للشيخه الميتة.

يعنى لو عديت كام واحد ووحده ميتة وميت وكام مولد بيتعمل فى السنة وكام واحد بيروح يدفع فلوس.

وكل ده هتفكر صح أن الدنيا زى ما بيقولوا مفيهاش فلوس عشان الفلوس رايحه لأسيادنا أشتاتاً أشتوت.

انتشرت فكرة الموالد دى بطريقة رهيبة وكل بلد وليها طريقة مختلفة ومنها اللى بيحب المراجيح ويسد الشارع وطبعاً غير السهرات وناس مسمينها مشايخ تيجى وتمدح وتقول كلام فى الغالب مش مفهوم وطبعاً لازم أكل وشرب ما هى دى ناس زاهدة فى الدنيا سايبين بيوتهم عشان يلبوا ندا سيدهم الميت فى المولد بتاعه طبعاً.

فلوس كتيره بيدفعها ناس معندهمش عقل وبيروحوا يستلفوا لغاية لما ممكن يروحوا يشحتوا عشان يرمى فلوس للولى عشان يديهم اللى هما عايزينه وده يروح يمسح الأرض والحيطان ويبكى عشان يرضوا سيدهم.

وتيجى تبص لصندوق الشكاوى اللى كاتباه الناس لسيدهم وستهم على أساس هيطلع من التربة وهيحكم الكون ويقرا ويلبى.

مش هكتر فى الكلام لأن الموضوع أكبر من أنه يكون على ورق- يا سيدى ويا ستى فوقوا.

وقوموا من اللى أنتوا فيه. يا ناس عايشة ومش متهنية.

طالما أن عقولكم مش مستنية- أنكم تفكروا زاى الناس تفكروا وتقولوا أنكم أحياء مش أموات.

قوموا وادعوا لرب العباد ومش لا أموات هتكونوا زيهم.

كلمت الريس.

اتصلت بالريس ويارتنى ما كلمته

صوتك كان متغير وللاسف مش عاجبنى

كان باله مشغول ومحتار يجاوبنى

قلتله مالك كدا حالك مش عاجبنى

رد وقالى ايه رايك فى اللى مش عاجبنى

قلتله ايه مش عاجبك قلى البلد فى ضياع

قلتله ما انت السبب عايش ومش عايش

قلى يا ابنى وضح مش فايق للالغاز

قلتله اقولك ايه اكتر من اللى بيجرا

حال البلد فى النازل وكل يوم فى ضياع

هنبدا من البدايه ومن التعليم

مدرسين فشله وبينهبوا فلوس كتير

ونبص للوزراء كل شويه وزير

ينهبله كام مليون ويطلع على بره

وننسا دايما عمايله وتترمى جوا بير

وملايين دايما بتتطلع على الفن والتمثيل

وغير الحرب الكبرى اهلاوى ولا زملكاوى

وغير طبعا الدم المهدور كتير

فين الغلابه اللى هيا عايشه ومظلومه

وحقوقها دايما ضايعه وعايشه مقهوره

فلوس ديون ع البلد وحالنا اصبح عدم

ودايما بنيجى فى الهايفه وبنصنع منها الالم

 عرفت ليه ياريسنا حالنا اصبح عدم

بقيبنا زى الكلاب بناكل فى بعضينا

والدول كلها بتتفرج علينا

ارحمنا وادينا حقوقنا ورجع الامل لينا

عشان تعيش وتموت مرتاح

وتكون دايما سند لينا

بادروا بالحجز

حصريا

ولاول مره

على

ادينا بندردش

رحله المتعه

                

                   الراحه

                 

                              الاستمتاع

فقط بادر بالحجز والاستعداد

مين هيبقى الريس؟

خوف كل يوم بيزيد وكلام كتير بيتقال.

وسؤال غريب مطروح .

مين هيبقى الريس؟

هيبقى راجل مننا وعلينا؟

ولا هيكون ضدنا وعلينا؟

هيحس بمشاعرنا ويراعيها؟

ولا هيرمينا ويدوس علينا؟

مين هيبقى الريس؟

وياترى هيعمل ايه فينا؟

هيحققلنا حلمنا ويعيشنا فيها؟

ولا هيقتل حلمنا ويدوس على فكرنا؟

مين هيبقى الريس؟

مش عارفين نختار

لاننا خايفين يكون كلامهم كله من ورا الستار.

هعمل وهسوى اكيد بس العمل بيكون محتاج تخطيط

تعبنا خلاص من كتر الخطط والتجارب

وبقينا زى فئران التجارب

الكل بيتعلم فينا واحنا اساسا مش بتوع مصالح

مين هيبقى الريس؟

لو عرفت تعالا قولى

وادينى قاعد ومستنى يا حلولى

بدون مقدمات

بدون مقدمات لانى اتعودت انى مكترش فى الكلام

هقول على الفكره او الكلمه اللى جوايا وبدون مقدمات

وياترى كلمتى النهارده هتكون عن ايه؟

كلمتى هتكون عنى وعنكم......

وازاى بيكون فكرى وفكركم........

اعزائى الشباب هحكيلكم حكايه

طيب ليه اساسا احكى حكايه وانا نفسينا حكاية!

بنزعل ؟

بنحبط؟

بنتخنق؟

بندمع؟

كل ده ليه وايه اساس الزعل وايه اساس يستحق من البدايه الزعل؟

انت دلوقتى بتقرا كلامى وشايفه بعنيك صح؟

طيب لو مكنتش قادر تشوف كلامى كان زعلك هيكون شكله ايه ياترى ؟

وبعدين انت شايف كلامى وعندك القدره انك ترد عليا وتكتب رايك صح؟

ايه رايك لو مكنش عندك القدره والاستطاعه على تحريك اصابعك لكتابة رايك

بصراحه؟

يعنى احنا بنزعل من حاجات لو فكرنا بجد فيها هنستفاد منها فى حياتنا

عايزين نخلى اى امر صعب يمر علينا فى حياتنا وسيله لينا لوصولنا لحلمنا

متشكرين

متشكرين
           الكلمه دى اتقالت منا كتير

يوم ما مشينا فى سكه ضلمه وهربنا من حلم السنين

متشكرين
           ياما طلعت منا كتير يوم ما انضربت واتهنت كتير


متشكرين
          على علو صوتكم اللى فكرنى بصوت الحمير


متشكرين
          بقولها دايما لانى صابر من سنين


متشكرين
          بقولها لحكومه ظالمه بتنهب من سنين


متشكرين
         يوم ما اتمسكت وايدى فاضيه واتهنت وبعلو صوت


متشكرين
         ياريسنا يامعيشنا فى خوف كبير


متشكرين
         يازالينا وضاربينا ومضيعين حقوق كتير



متشكرين
      مليت منها وكفايه بقى شكر كتير

قران كريم مشارى راشد

اراء سياسيه

انا عندى اراء سياسية

فى الحاله الاجتماعية

وزياده فلوس النور

وحاجات تانيه اللى هيه

طبور عيش ممدود

وسط طريق مسدود

وحاجات بتحصل منه

دايما مش مرضيه

وتطلع لغايه بره

تركب كدا الاتوبيس

تلقاه بقى علبه

واتملا بالكلام والصويت

وقف ياعم الاسطى

نازل هنا على جمب

خلص بسرعه يابيه

الطريق بقى كله غم

وعاملى فيها مدير

بالبدله والشنطه

وسع ياسى الاستاذ

وحاسب زرار البدله

لما انت كدا وزير

راكب ليه الاتوبيس

ولاانت هتفرسنا

وتعيش علينا كبير

كفايه كدا اراء

لحسن الحاله خلاص

كرهت خلاص الكلمه

والراى والافعال

................................

ودى كام صوره واقعيه لطبور العيش والهدوء فيه

ايه رايك تسيبك من بكره

 وتخليك فى النهارده

خليه اجمل من كل يوم

هتلاقى بكره يجيلك

على طبق من فضه

ويقولك انا هه موجود

 تلقى الحياه قدامك

وكل الاحلام متحققالك

 بس انت يلا قوم

وارمى كل الهموم

وعيش دايما حياتك

على الامل المرسوم

 خلى فى قلبك نور

وحلمك امل مسطور

 وعيش النهارده

مؤمن بقلب جسور

فكر فى النهارده

وسيبك من اى يوم

يوم مر خلاص وفات

او حتى يوم بعديه

اجرى وسابق الريح

واتعلم تبقى خفيف

واحلم اكيد ببكره

وبالامل يفضل على طول

دعونا

 

طول ما الحياه بتدور هيفضل فيها امل

طول ما الدنيا سعيده اكيد فى امل

طول ما احنا بنحلم هيكون الامل موجود

طول لما نعبر عن فكرنا هيكون الامل مولود

الامل والتامل حاجتين موجودين

زيلوا عنهم التراب وخلوكم شايفينهم بوضوح

غنوا وبعلوا الصوت ان الامل موجود

ارسموا وباجمل خط ان الامل محبوب

دعونا نحزن

دعونا نفرح

دعونا نحلم

دعونا نتامل

دعونا نعيش

دعونا نستمتع باجمل الاوقات قبل ما يروح عمرنا

دعونا نرى الدنيا باجمل النظرات

دعونا نضحك وباعلى الاصوات

دعونا وفكوا قيودنا واتركونا مع الامال

خليك زى الهوا

خليك زى الهوا طليق

محدش بيتحكم فيه

ولا يقدر يوم يمنعه مانع

مهما كان عالى وشديد

خليك زى الهوى

 محدش يقدر يكتمه

قول رايك مهما ان كان

وعبر عن اللى جواك

خليك زى الهوا

 سرعان ما يعود لصفائه

بعد الاتربه التى تغير لونه ونسيمه

خليك زى الهوا ماشى فى كل مكان

اعزائى الشباب

ايه المانع من اننا نكون زى الهوا

عايز رايك فى اى مكان يتسمع

عايز صوتك يجلجل المكان ويتفهم

يبقى لازم تسمع الناس

وتشوف رايهم

وانتقادتهم وفكرهم

خلى عندك شجاعه وثقه فى رايك

وحاول تتناقش وتقول عليه

ارمى الكسوف خلاص والخجل

واتحدى الناس وقول رايك بدون خجل

قول اللى تقوله مش هتوصفنى

ممكن تقول عليا انى انا شاعر

او تيجى يوم وتقول عليا عالم

بس انا مش دول

لا انا انسان عايش

ممكن اكون شاعر

ممكن اكون انسان عادى

بس احساسى مش عادى

ممكن اكون فنان

برسم كدا فى الحياه

بلون وخطط فيها

وبالى مرتاح

عايش على الاحلام

ومفيش فى قلبى خداع

وكل الناس حوليا

عايشه فى نعمه كمان

وزى ما قلتلكم انى انسان عادى

بس احساسى اكيد مش عادى

عايش وانا شاعر بعبر عن الحياه

يمكن افوق من نومى

ويتغير معنى الحياه

بدون عنوان

                            
                             بــــــــــــــــــــــــ عنوان ـــــــــــــــــدون 

دى قصيده كتبتها فى أزمه من الازمات

كنت كتبتها وانا ناسى معنى الحيـــاه

وبدم جروحى خططهـــا

وبدمعى رسمت ورده دبلانه

محتاجه تحس بطعم الحياه

كتبت قصيده بدون عنوان

ممكن يوم تتغير ويصبح ليها عنوان

بعد ما كانت عايشه ضايعه بين الازمات

كتبت قصيده بدون عنوان

لانها بتحكى عن أيام

ضاعت ومرت بدوناستأذان

كتبت قصيده بدون عنوان

شارك فيها جميع الناس من كل مكان

كتبت قصيده بدون عنوان

لانى كتبها بدم الشهداء

بــــدون  عنـــــوان

دا اسم قصيده محتاجه تعيش ولو ليوم

بس بعنــــوان

دردشه بسيطه

عارفين ايه سبب تخلف فكرنا السبب هو بعدنا عن حبنا وحبنا اكيد هو ربنا غيروا فكركم واتمتعوا بحبكم الله معانا فى كل وقت ومكان ممكن نكون مش عارفين انه بيحبنا بس ايه اكتر من اننا مسلمين دليل على انه بيحبنا
وايه تانى عايزينه واحنا معانا مفتاح الجنه فى حبه
اكيد لو مش واخدين بالكم من حب ربنا يبقى كدا محتاجين لحظه تعرفنا على ربنا
لف ودور واتعلم واعرف واستشعر معنى حب المولى عز وجل
اتعلم ازاى تعبده وتكون منه قريب
وعيش على حلمك وخليه ليه فى الخير