ok1
الاثنين، 31 أكتوبر 2011
نظره امل
نفس الوشوش
متلونه بكلام كتير
شكل البيوت
نفس البيوت
من بره تلمع
ومن جواها مليانه غبار
زى القلوب
اصحابها من بره تضحك
ومن جواها قايده نار
وفى عز النهار
صوت انهيار
صوت الحيطان
هز الكيان
شب الفرع
بصراخ هلع
هز القلوب
وانهار دموع
اتاريه دا كان
صوت انهيار
قلب شكا
مل الوشوش
وشكل البيوت
جاله انهيار
وبدا الحياه
بنظره امل
الأربعاء، 26 أكتوبر 2011
اختلافات
اختلافات
كل شئ اصبح رخيص ملوش تمن
حتى الحياه بقيت رخيصه بدون تمن
مهو لما يكون الكشف نوعين (عادى ومستعجل)
ولما يكون ربنا جوانا مجرد لحظه حزينه وبتعدى
ولما يكون حب بلادى مجرد ثوره وبتعدى
لما يكون جوانا كلام كتير (يتقال وميتقالشى )
ولما يعيش جوانا طفل برى مبينامشى
اسمحولى تانى ادمع وانا لوحدى
حياتنا رخيصه ومرميه فى كل مكان
واحلامنا فى قلوبنا منسيه بقالها زمان
قلولى ياناس دا قطر العمر بيعدى
قولولى يا ناس ايه معنى خوفى على وطنى
فوقوا وقوموا كفايه حرام
ظلم فى عمر كله حياه
فوقوا وقوموا كفايه حرام
عمرنا يمشى بدون بصمات
احمد كمال
الاشتراك في:
الرسائل (Atom)