ok1
الأحد، 5 أغسطس 2012
ياصبر ايوب
مبقتش قادر ابوح او حتى اتكلم
كل اللى بقيت مالكه انى أتالم
جوايا احساس رافض ينطق
جوايا فكره وملايين مــ الكلام
رافض قلمى يكتب من سكات
وبقيت صابر على العيشه صبر النبى ايوب
صابر على اللى بيحصل وعلى ذنبى لازم اتوب
رافضه الحياه تضحكلى مع انى بضحكلها
رافضه تحققلى حلمى مع انى بحلم لها
رافض انا اسكت يقولوا عليا جبان
رافض اعيش بعيد وارضى بالزل والهوان
بقلمـــــــــــ احمد كمال
اقتل شيطانك وارتاح
ايه اللى شاغل قلبك ومحيره
مخلى النوم مفارقه ومسهره
ليك كتير وانت عايش وحياتك مفهاش اى اختلاف
وكل يوم بيعدى عليك بيكون زى اللى فات
نفسك تحس بالتغيير وتحس بالاختلاف
وتلاقى عمرك الى جاى احلى بكتير من اللى فات
وانت نايم وانت صاحى مبتحلمش
مش شايف وانت مفتح وايامك بتهرب قدامك وانت صاحى مبتحلمش
شيطانك قاعدلك وفاضيلك
فى كل حته ناططلك ومعقدك
اقتل عدوك وفش غلبك فيه وارتاح
وكفايه دموع وصويت ونواح
ارسم الابتسامه وارسمها على الوشوش
هتلاقى الدنيا بتبتسملك ابتسامه عمرها ما تروح
ارسم الضحكه وعليها فى كل الكون
شيطانك هيبعد عنك واحلامك توصل لكل الكون
بقلمـــــــ احمد كمال
الاشتراك في:
الرسائل (Atom)