ok1
الثلاثاء، 17 يناير 2012
الأحد، 15 يناير 2012
عمر جديد
العمر اللى عدى اصبح قديم
ودلوقت انا ببدا عمر جديد
وحلمى مش حلمى انا
حلمكم هو حلمى انا
حلمى القديم لكنه جديد
حلمى الحياه ترجع تكون
حاضنه القلوب زى زمان
حلمى الورود تملى الميدان
نبطل كلام وننسى اللى فات
عشان الشهيد اللى عشانا مات
حلمى القديم لكنه جديد
نحافظ على حلمنا
من انه يضيع مننا
ونخلى عمرنا
دايما احلى بفكرنا
حلمى القديم لكنه جديد
ادعولى خايف الحلم منى يختفى
وارجع واكون عايش كانى منتهى
ادعولى خايف انى اجى يوم وانحنى
وابقى عجوز عكازى سابق خطوتى
احساس غريب محستهوش قبل كدا
صعب القلوب تقدر تعيش بالشكل دا
وياليل بهتان
ملهش امان
فى كل مكان
ثاير بركان
ياليل دوار
خايف ينهار
داير مايدور
بعيد عن النور
دا بكره جاى وفارد لينا ايديه
خلوا بالكم منه لنبكى تانى عليه
فاكرين زمان واحنا كنا صغيرين
كنا بنجرى ونلعب واحنا مبسوطين
ادعوا نرجع زى زمان
وترجع من تانى البسمه تلمنا
والمحبه جوا القلوب تضمنا
ادعوا نرجع زى زمان
بسمتنا صافيه للحياه
والحلم يرج يملى كل الحياه
احمد كمال
الاشتراك في:
الرسائل (Atom)