بنلف وبندور عــالحياه جوا الوطن
والوطن قدام عنينا وفارد جناح الدفا
دايما بندور على جاحه
نهرب بيها من جوا الوطن
مع ان الوطن بيحمينا
ودايما مضلل علينا
أنا شاعر
بس مش شاعر بكلمات
أنا شاعر
وبحس بنبض الوطن
شاعر وحاسس بصوت البشر
اللى صعب انها تتكلم
شاعر وطالع فى عز الدفا
بلملم واجمع فى قطر الندا
عشان يروى قلوبنا
ويخليها بعد القسوه ترجع تحن
وتحس بدف الوطن
شاعر وعايش ما بين الحياه
بشوف جوايا على طول الفشل
عشان اغير لازم اتغير
وأزاى اتغير وانا مش حاسس حتى الدفا
جوا وطنى عايش كأيب
والناس بتعاملنى على انى غريب
وانى جاى من كوكب بعيد
كل ده عشان افكارى
بتفيد الوطن
ياترى مين الشاعر
الشاعر اللى كاتب ولا
الشاعر اللى حاسس
بضوء القمر
لما بيزعل وبيختفى
الشاعر اللى كاتب ولا
الشاعر اللى عارف
اللى مخبياه قلوب البشر
بالرغم من سكوتهم
وبالرغم من وقوفهم
إلا أنه حاسس بنبض سكوتهم
من جوا الجسد
قلولى مين الشاعر ياترى
الشاعر اللى حاسس
ولا
الشاعر اللى كتب
احمد كمال
ليست هناك تعليقات:
إرسال تعليق