ok1

الأحد، 20 مارس 2011

عربى انا








تعالا ياشاطر ومتخفش منى.

دا أنا عربى زيك ودا اللى هاممنى.

سمارك ولونك دا راعب جبال.

وهازز قلوب كتير مــــ البشر.

كفايه وقوفــك وسط الحصار.

رافع رايه ومش خايف مــ العقاب.

يابـنــى قـــرب ومـتـنـدمـــــش.

مــن عدوك مهمـــا اَن كــــــان.

دى هـى مـوتـــــه مش اكــــتر.

بس موتــه فيها راحه البــال.

كفاية وقوفك يوم الحساب .

مغطى راسك تراب الوطن.

وصوتك كله بيعبر عن الجهاد.

فى الحوارى اطفال بتلعب.

وبتفكر أزاى تضرب الاعداء.

يابنى مالك خايف ليــــــــــه.

الموت عمره ما كان ديب جعان.

مستنيك تسد جوعــه.

ولا كلب وراك بيجرى.

دا الموت رايه عليك ووسام.

كفايه انك هتقابل ربك.

وانت مش خايف م الحساب.

وفى البيوت ستات بتحكى.

عن محمد والصراع.

اللى دام بينهم فى شارع.

بين حجارة وبين رصاص.

والحجارة هى اللى فازت.

عشان كانت مليانه بالكفاح.

والقنابل كانت يوميها بتنور.

فـــــــــــى السمــــــــــــا.

وبتكـتــــــــــــــــب.

لاللدمــــــــــــــــــار؟

ولا فرجه يهودى غادر.

يوم ما يضحك ضحكه عاليه.

وهو شايف روح رضيع.

مفارقه نور الحيـــــــاة.

ولا ناس قاعدين بيحكوا.

عن سلام وعن امان.

السلام دى كلمه سهله.

بس تحقيقها محال.

والامان خلاض مفيش.

بعد ما ضاع السكـن

وبقى الشارع ملجا الايتام.

دموع توبه





التوبة

أصعب

أم الدمعة

أهون

التوبه من ذنوب لا حصر لها فى دنيا فانيه

أم دمعه فى بحور مميته لا نجاه منها

عيناى اَه يا عيناى

كفاكى دموع على 

اَفى التوبه راحه ؟

اَم فى الدمعة حياه ؟

اَفى التوبه راحه فى الدنيا والاخرة!

اَم فى الدمعة حياة لقلب مات من كثرة الأخطاء!

انا متحير من أجل الوصول الى التوبة 

اجلس في ظلام ليل ابكى وحيداً 

فمن يكون بجانبى

اجلس أتذكر ذنوبى فلا حيلة لى سوى الله

وهذا هو الحل 

أذاً فى التوبه راحة

والدمعه طريق للوصول الى الراحه.

كفايه اكون معاها






من يوم شفت عنيها

قلبى ارتاح لها

من ساعت ما لمست ايديها

بقيت ملكها

طيبه قلبها

وصوتها وضحكها

وحياتى كلها

هتكون ملكها

دى ملاك عــالارض ماشى

فى مين زيها

والله بحبها

وقلبى ارتاح لها

وكل لحظه نفسى انى اروحلها

ولا ابعد عنها

ولا انسى حبها

دا كفايه اكون معاها

وامشى جمبها

الاثنين، 14 مارس 2011

بحبك


بحبك


وسط الدموع انا ببتسم

والضحكه طالعه وبين شفايفى  بتترسم

والبدايه ليها حكايه

واللى ما بنا صعب يتوصف

بحبك

ايوه بحبك

ودا مش خيانه انى بحبك

وانى اقول انى بحبك مش حرام

ايوه بحبك

سمعتيها ولا لسا صوتى واطى

خايف من العدو يسكته

اصلى اللى يخاف انه يقول انه بيحبك

خايف يقولوا عليه اخوان

او ارهاب

هوا ده الانسان الجبان

عايز يعيش طول عمره متهان

بحبك وبعلو صوتى بنادى بيها

مين يبارزنى بحبى ليها

لقيت الكل واقفين ساكتين

ومقدروش يبارزونى فى حبى  ليه

اروينى من نيلك


اروينى من نيلك



بناديلك تضمينى

وتروى جزورى من نيلك

تودينى لبر امان

وتبعدينى عن الاحزان

تعرفينى معنى الحياه

مابين شجرك وبين نيلك

انا مشتاق تواسينى

تنادينى

تضمينى

وتاخدينى فى حضنك يوم

احسن فيه بانى انسان

زى الطفل محتاج لحنان

وضمه ايدك لضلوعى

تحسسنى بانى انسان

ولا يبعدنى عنك شئ

ولو بعدت بلاقيكى

تنادينى تضمينى

تشيلى الهم من قلبى

تشيلى الحزن من عينى

تواسينى لحد ما اكون

واقف وسطيكى وانا عالى

واقول دايما بصوت عالى

خدينى فى حضنك وضمينى

واروى جزورى من نيلك

خطابى للحياه


خطابى للحياه



عندما نلتقى لا اريد منكى اللوم


فانا مخطى فى حقك ومقصر تجاه حبك


اعلم انكى غاضب منى


ولكنى اقدم لكى روحى

تحمل اسفى على ما مضى من عمر ضاع