محدش عارف فين نصيبه

محدش عارف فين نصيبه
وايه الدنيا مخبياه
ولا حد عارف ليه حبيبه
حبه من اول ما التقاه

سعات القدر يجيب لينا اجمل ذكراه
وسعات تانيه يجيب لينا الحزن معاه
اختار لنفسك بكره اللى جاى
ارمى ماضيك الفرح ليك دلوقت جاى

محدش عارف لو الحزن اتملكك
وخليت احلامك كرهتك
ساعتها محدش عارف ايه اللى جاى

لكن لو اتخليت عن وحدتك
وخليت احلامك صاحبتك
ساعتها هتعرف ايه اللى بكره ليك جاى

ابيض واسود صوره الحياه فى عنيك مفهاش الوان
كاره حياتك وحاسس انك فيها مش انسان
محدش عارف فين نصيبه
وايه الدنيا مخبياه

قرب من ربك واخلصله فى يومك
هتلاقى بكره يقفلك انتباه
ومحدش عارف فين نصيبه
وايه الدنيا مخبياه

احمد كمال 

تميز وابدع

كل ابداع بيعبر عن حاله والحاله دى بتشبه ناس كتير متخليش حد يوقف ابداعك مهما كان خلى ابداعك ينطلق لابعد الحدود
احمد كمال 

شكرا يارب 2

شكرا يارب

يارب قلت ادعونى وانا هستجيب

وانا سمعت الندا ودعيت لقيتك لبيت

شكرا يارب على وقوفك جمبى فى محنتى

شكرا يارب لانك لبيت شكوتى

شكرا يارب اقل كلمه اقولها ليك

فى سجدتى فى دعوتى بحاول انى اقرب ليك

يارب مليش فى الوجود غيرك

وحدك وعالم مقدرش انى اعيش من غيرك

شكرا يارب لانك طمنتنى

بوجودك جمبى مفيش ولا حاجه تهزنى

شكرا يارب

    احلام الشاعر الصغير

لــــــ احمد كمال

شوق

وحشتينى ياقمرى 

 ومشتاق لعنيكى الحلوين

دا انا لو هدور طول عمرى

فى طيبه قلبك ما هلاقى مثيل

لـــــــــ احمد كمال

شكرا يارب

قرب من ربك هتلاقى الدنيا بتفتحلك الف باب وباب

افتح قلبك خلى الفرح يتسرسب بخفه كدا جواك

اهرب من الحزن اللى محاوط دنياك

قرب من حلمك ومد له ايديك

اتعلم ازاى تسايسه وتحافظ عليه

قول يارب اول ما تحس ان الدنيا خاصمتك

هتلاقيها فى لحظه جت لغايه عندك وصالحتك

قرب من ربك واشكيله همومك

هو وحده من اى غلط هيصونك

قول فى سرك بصوت هادى وبنفس عميق يارب

على صوتك وبنفس اعمق قول يارب

وغمض عنيك وقول يارب

هتحس براحه بال وارتياح شديد

وتلاقى قلبك مطمن وهادى اكيد

قرب من ربك وابكيله

هو وحده قادر يمسح دموعه

قول يارب ومتبخلش على نفسك بيها

الكلمه دى تطمن قلبك وتكفيك من الدنيا باللى فيها

لـــــ احمد كمال 

من حقك ومن حفى

من حقك وبكل بساطه تعبر عن رايك وتقول 

بس تقول من غير وقاحه ومتوصفش غيرك بالفلول 

ولا توصف غيرك على انه شبه الخروف 

قول رايك مفيش مانع ولاحاجز ولاممنوع 

قول رايك بدون ضرب ولا اهانه ولا اى كلام ممنوع 

مش من حقك تقتلنى 

ولا من حقى اقتلك 

لكن من حقك تنقدنى 

وانا من حقى انقدك 

دينى ودينك فى نفس الوطن عايشين 

ولكل شبر فى البلد بايدينا بانيين 

لو كل كلمه هقولها ليك هتقتلنى 

او اى كلمه تقولها ليا اقتلك 

اسمحلى اقولك عشيتكم دى متلزمنيش 

ولو كنوز الدنيا بدال روحى متعوضنيش 

دم اللى مات على الارض دا دمى 

والشهيد لو مش اخويا فهيكون مقامه زى ابن عمى

تار البلد دا تارى 

والارض لو مش ارضى فكفايه انى عشت عليها وشالت همى 

من حقك ومن حقى 

نعيش على الحلوه والمره 

ونتقاسم مابينا اللقمه 

واللى يفكر يوم يعادينا 

نقف ضده وايدينا فى ايد بعضينا 

لــــــــــ احلام الشاعر الصغير

احمد كمال 

قلبى فى ايديها عجينه

وبرغم عنادها سعات وسعات 

والضحكه تكون منها عجيبه 

انا قلبى بحبها مال وخلاص 

اصبح فى ايديها عجينه

جرب تنورنى هنا "احلام الشاعر الصغير"

لـــ احمد كمال 

حاله غريبه

انا ليه دايما حاسس بالهم 

وكل حياتى غم فى غم 

والضحكه بتكون مقتوله 

والفرحه بتكون ممنوعه 

وقلبى دايما مكسور 

زى الطير جناحه مكسور 

واحلامى دايما خنقانى 

خايفه لسيبها واكون انانى 

انا ليه دايما حاسس بالهم 

وكل حياتى غم فى غم 

(حاله كدا معرفش من ايه )

احلام الشاعر الصغير

احمد كمال 

ملاغيه

بكتبلك اجمل اغنيه 

بهديها لقلبك ياعنبا 

هتقولى عليا دا واد بكاش 

هقولك قلبى بيحب الملاغيه 

احلام الشاعر الصغير

احمد كمال 

خطال الى سياده الرئيس ط"محمد مرسى "

خطاب الى الرئيس
السلام عليكم ورحمه الله وبركاته
سياده الرئيس :محمد مرسى
تحيه طيبه وبعد...........
ما يحدث الان فى مصر هو اكبر دليل ان مشروع النهضه يتم على اكمل وجه فبفضل الله وجهودك العظيمه كل مستلزماتنا متاحه وبوفره تامه والشعب لم ينقصه شئ ابدا حفظك الله ورعاك

.
.
اسف سياده الرئيس فهذا الخطاب كان سيرسل فى حاله اتمام مشروع النهضه الوهمى حتى الان ولكن الوضع الان اصبح فى غايه الخطور ه
لايوجد امن فى اى مكان على ارض مصر ومواردنا الاساسيه لم تعد متوافره كما كانت متوافره من قبل
اصبح الكثيرون فى هذا الوطن لايشعرون بانهم مثل الباقين الذين يشعرون بالامان فى داخل منازلهم
سيدى الرئيس
ان ما يدعوه البعض بتطبيق الشريعه فى الدستور لا يجدى نفعا فكيف تطبق الشريعه فى مجتمع لايوجه به تعليم او صحه او اى شئ يستدعى تطبيق الشريعه
سيدى الرئيس عندما تهان العقليه المتعلمه وتترك بعيد وعدم الاستفاده بها فى الدوله واختيار اخرين لا يعقلون شيئا اذا كيف يرتفع شأن الدوله مثلما يريد الاخرين ومثلما ارادوا من ضحوا من اجل رفعه الوطن
سيدى الرئيس اخر كلامى اقول الكلمه المشهوره فى الموقف الاشهر لدى الجميع "حكمت فعدلت فأمنت فنمت ياعمر"

توقيع
واحد نفسه يعيش فى بلد كارهاه
احمد كمال

 

الى الشهيد جابر "شهيد شارع محمد محمود "

جابر جابر مش هيموت 

زى ما شهدا قبله فاتوه 

زادوا الشهدا واحد تانى

 

ورئيسنا راجل مش حقانى

 

وانا رافض انى اعيش انانى 

بعد شهيد بيطالب بالحق عشانى 

اه ياعيونى 

دموعى جرحونى 

جابر مات وسط الحى 

وهيفضل اسمه دايما حى 

دا انا شايفه الصبح لسه جاى 

كان رافع رايه "النصر اهه جاى 

"

جابر مات لا ممتش 

جابر مات لا ممتش 

صحا قلوب الناس النايمه 

خلوا بلدكم دايما عايمه 

واوعى تكسروا فيها قلوب 

تغرق بيكم 

وبعميلكم 

وساعتها اه يانا ياغلبى 

فقتوا امتى 

ندمتوا امتى 

بعد خلاص ما الوقت اهوا ضاع 

ودم الشهدا خلاص اتباع 

جابر جابر مش هيموت 

زى ما شهدا قبلوا فاتوه 

عايشين جوانا وصاحين 

وصورتهم عمرها ما تغيب 

اه يا شهيد ضحا عشانى 

لجل ماعيش انسان بكرامه

اه ياشهيد اضرب مكانى 

لجل ماعيش انسان بكرامه 

جابر جابر مش هيموت 

زى ما شهدا قبله فاتوه 

"الشهيد جابر صلاح "احداث محمد محمود 20\11\2012

احلام الشاعر الصغير

لــــــــ احمد كمال

خرجوا ومش راجعين

طالعين من النجمه لمدارسهم 

شايلين فى ايديهم كرارسهم 

وبغلطه واحد كان نعسان 

دمهم اتلزق عــ القضبان 

والدنيا تقوم ومتقعدشى 

وارواح بتروح ولا بتعدشى

 

وزمان بيعيد نفس الحاله 

والروح مبقاش ليها كرامه 

وحكومه نايمه ولا هتفوق 

واهى حادثه تفوت وارواح بتموت 

وحكومه زى راجل هلفوت 

وانا ابنى يساوى كام ملطوش 

وتنادى بحقك مطلهوش 

ياخساره يابلدى ياكارهانا 

عايشين على ارضك وزلانا 

كفايه زل ومهانه 

انا ابنى مات على ارضك 

دا كان رايح ياخد علمك 

وبكره يدافع على عرضك 

ومات موته بتوجعنى 

وصورته اشوفها تفجعنى 

وحقه شئ مهوش موجود 

وكرامته متهانه من غير حدود 

"من الموقف وصعوبته مش قادر اكملها "

اسيوط 

17\11\2012

احداث تصادم قطار باتوبيس اطفال "اسيوط"

احلام الشاعر الصغير

لــــ احمد كمال

خانوك ياوطن

خانوك ياوطن 

خانوك ياوطن كل اللى قالوا انهم عشقوك

خانوك ياوطن ووقت ما امنتلهم خدعوك 

خانوك ياوطن وجرحك معلم بعد ما طعنوك 

قالوا انهم بيحبوك مع انهم سارقينك

قالوا انهم عشقوك مع انهم للنار سايقينك 

خانوك ياوطن 

بعد ما كنت المثل فى الامن والاستقرار 

دلوقت بقيت المثل فى الخراب والدمار 

خانوك ياوطن بعد ما امنتلهم واديتهم الامان 

خانوك ياوطن وضحكوا عليك والمكر ظهر وبان 

خانوك ياوطن 

ياجماعه يابعده متقولوش اخوان 

الشعب كارهكم وهبلكوا ظهر وبان 

لو انتوا فعلا مسلمين 

وباللى خلقكم موحدين 

اتعلموا صح 

اتعايشوا صح 

اظهروا لينا دينكم صح 

مش كل حاجه منكم غلط فى غلط 

ومش عايزين يوم تستفادوا من الغلط 

خانوك ياوطن 

خانوك ياوطن وصرختك وصلت كل الشعوب 

خانوك ياوطن وانينك وجع كل القلوب 

خانوك ياوطن واهانوا عرضك 

خانوك ياوطن مفضلش غير يبعوك 

لــــــ احلام الشاعر الصغير

اح ـــــــمد

جزمه

بلدنا فى ازمه 

مش لاقيه جزمه 

اختارنا ليها جزمه 

وشكله الجزمه ولا ليها لزمه 

........................(والحدق يفهم مين الجزمه بس ميقولش )

احلام الشاعر الصغير

اح ـــــــمد

اهدينى لمحبتك

خليك جمب منى 

اوعلى لحظه تبعد عنى 

انت املى الوحيد 

اللى اموت لو يبعد عنى 

بقول يارب فى كل اوقاتى 

وبحلم ترضى عنى 

وتهنينى بحياتى 

ياعالم باللى بقوله 

بسهر افكر فى حبك الليل بطوله 

بقول يارب فى دعوتى وندايا 

وانك ترضى عنى هو كل منايا 

اهدينى دايما لمحبتك 

وضلل عليا برحمتك 

احلام الشاعر الصغير

اح ـــــــمد

حالك غريب يادنيا

حالك يادنيا غريب 

بتجيبى وتودى 

لو يوم كنت جمبك قريب 

بتقسى وتعاندى 

حالك يادنيا يحير 

ونفسى يوم يتغير 

وترضى عنى وتصالحينى 

دا انا على القسوه لسه صغير 

احلام الشاعر الصغير

اح ـــــــمد

اخوانيه

هى بقيت اخوانيه 

خفنا كان من الديمقراطيه 

ايام حسنى والشله اللى هيه 

دلوقت اتقلبت طعميه 

ضرب حجاره وبالخراطيش 

ويقولوا علينا شويه حرافيش 

لو مسلم مؤمن بالله 

تضرب ليه فى اخوك ياجبان 

لو فعلا بتقول اخوان 

بطل ضرب وخليك راجل 

ولربك خلى قلبك دايما واصل 

واتعلم من وحى الانبياء 

خدلك راحه

سيب نفسك واديها براح 

واوعى تفكر فى اللى راح 

دا اللى راح مليان جراح 

بص لبكره عشان ترتاح 

احلام الشاعر الصغير