روح فى العشة
بكره أكيد ده ملكنا لو فكرنا صحيح وفكرنا كان مننا.
روح فى العشة
دى حكاية وفى نفس الوقت تاريخ بس كلنا ناسيين ومش عارفين تاريخ العشة ولا حتى هى فين وهتودينا على فين.
ونبدأ فى تاريخ العشة
أنت يا بيه وأنتى يا مدام يلى معاكم فلوس بالأكوام أنت يا بيه وأنتى يا مدام يلى عايشين فى شقة بتكييفها وخدامها.
أنت يا بيه وأنتى يا مدام يلى معاكم فلوس وتعبانين ومش متهنيين عايز تخف ولا عايز تروق أكيد معايا الحل والشفاء والدواء المطلوب فقط اتصل بسرعة واحجز مكانك وروح فى العشة.
أنت يا عاصى وأنت يا غافل وأنت يا عايش فى الأزمات عايز تنعش قلبك وترجع تايب وصاحى من الغفلات يبقى لازم تروح العشة.
أنا لا بهزر ولا حتى بنكت دى حقيقة قدامنا ومش خيال.
العشة دى قصة مهما إن طالت أو قصرت هتبقى حقيقة ومهما بعدت هى دى واقع ومش هننساه.
بس أنا عايزك تقرأ وتسيب عقلك يحكم فى الأحداث.
بطاقة شخصية العشة
الاسم: العشة.
العمر: من زمان الزمان.
المكان: فى أنحاء مصر وممكن تكون على مستوى العالم.
الهوية: مجهولة.
المهنة: التعب وحيرة البال وغيره من الأعمال الضارة بالإنسان.
العشة دى بدل الشقة اللى مش محصلة حتى أوضة وحدة وياريت مبنية بطوب لا دى بسيطة خالص لدرجة أنك ممكن تحتار وأنت بتوصفها وهى عبارة عن خشب مكسور أو حتى ممكن يكون محروق وشوية طين وورق أهه حاجة موجودة فى كل مكان والعشة فيها عايشين الناس إللى مش لاقيين حتى تمن مش هنقول العيش عشان منكدبش لا مش لاقين تمن العلاج من الأمراض إللى العشة بلياهم بيها من مجاريها ومن ترابها وفرانها وسمومها وحشراتها وغيرها من الكائنات الغريبة التى لم يستطيع العلم الحديث التعرف عليها لأنها مفترسة وبتعيش دايماً فى مخابئ داخل جسم الإنسان فى العشة.
لو نزلت العشة يا بيه ولا يا مدام هتشفى من كل الأمراض بأذن الله ويصيبك مرض واحد بس وهو طول ما أنت قاعد مفيش على لسانك غير كلمة حسبى الله ونعم الوكيل طيب سؤال يا سعادة الأخ البيه هو المرض ده لسمح الله من أيه رد وقال أنا مالى خلينى فى حالى طبعاً لأنه قاعد فى المكتب متوضب والتكييف شغال وآخر الشهر بيقبض مرتب ميخطرش على البال وغير الهدايا والرشوة وغيره ويبقى الوضع كما هو عليه مش عاجبه الحال.
بس أنا متوقع أنه لو فكر ولو لمرة واحدة أنه ينزل ويقرر أنه يعيش ولو ليوم واحد فى العشة هينسى كل التغيير وهيحلم أنه فى نار جهنم والعياذ بالله بس ممكن لو فكر ولو لمرة واحدة فى يومه ده هيطلع بيفكر فى ربنا وبيدعيله حتى لو مش برضاه وهيكون غضب عنه وهو بيدعيله حسبى الله ونعم الوكيل ارحموا الناس دى.
كتر خيرها أنها مستحملة كل إللى هيا فيه وبعدين نقعد نحاكم الناس أنت بتسرق ليه وأنت بتقتل ليه وأنت....... وأنت......... وإحنا عمرنا مفكرنا أننا كلنا نعتبر سبب فى الأسباب اللى خلته يحقد على نعمتنا لأننا عمرنا ما بصينا على إللى تحتينا ولا حتى عمرنا حسينا بيهم ولا عمرنا رعينا ربنا فى ناسنا وأهلينا أمتى نفكر وأمتى هنعمل حاجة صريحة عشان نشطب من سجلاتنا بطاقة العشة العشة إللى ناسها بيموتوا من الظلم وعايشين على أمل بالرغم من كل الظروف وهو أن ربنا معانا وربنا قادر وعمر ربنا ما ينسى حقنا لا فى دنيتنا ولا آخرتنا.
وهتكتب كلامهم فى كل كتاب ظل وعاش فى التاريخ وارحموا العشة من الضياع لأنهم دواء الظالم والمظلوم ونجاة العاصى والكفران أسيبكم تكفروا ولو لمرة واحدة فى حياتكم عن العشة واللى بيجرا فيها وحوليها وإللى مش عارف يفكر نصيحة منى أنه لازم يروح فى العشة عشان يفكر من جديد فى حياته بداية من جوا العشة.
الحلقة الخاصة بالعشة
دى ناس بسيطة عايشة مستخبية.
فى حجر صغير خالص ومع ذلك متهنية.
بالرغم من الصعوبات وبالرغم من الأزمات.
بيجمعهم دايماً حب ومودة مش منتهية.
ومهما تعبوا وشافوا رجعوا تانى وتابوا.
على كل كلمة وحشة كانت مستخبية.
وبالرغم من عميلهم وبالرغم من أفعالهم.
الطيبة هتفضل جواهم والكرم ده من سماتهم.
فى حب الله متجمعين وعلى هدى النبى ماشيين.
وبيحلموا بالرضا والبساطة بالرغم من قلتهم.
بس هما رغم كدا هيفضلوا مبسوطين.
وياريت يفضلوا على طول متهنيين.
ويكونوا مثل للصابرين على محنهم.
وصعابهم ويكونوا دايماً طائعين وصابرين
ليست هناك تعليقات:
إرسال تعليق