مصر المحروسه

مصر البهيه 

ام طرحه وجلابيه 

فى اى محنه تمر بيها 

تفضل دايما واقفه عافيه 

مصر القويه 

شعبها كله مليان طيبه وحنيه 

مهما زاد الحزن فى قلوبنا 

تفضل قلوبنا على الوطن مليانه حنيه 

مصر النهارده فى يوم جديد 

لابسه احلى هديه من شعبها 

رئيس جديد من اراده اهلها 

يخاف عليها وعلى كل شبر فى ارضها 

حقق حلمك بالحريه 

وساعد رئيسك بكل ديمقراطيه 

وابعد عن ركوب الموجه 

وانك تعمل فى بلدك هوجه 

مصر محتجالك تكون جمبها 

محتاجه انك تحقق حلمك على ارضها 

تعلى بنفسك وتعليها 

تخلى الكون كله يحلف بيها 

بقلمــــــــــــــــــــ احمد كمال

فك قيودك

ولا بتهش وولا بتنش

والدنيا مش مدياك يوم وش

تبقى حياتك طظ فش

هقولك انا على حل للى انت فيه

هقولك على سر يريح بالك من اللى فيه

السر هو انك تقول كلمتك

تعبر عن فكرتك

تتحدى الدنيا دايما لو يوم خاصمتك

متقلش الدنيا غابه مليانه بديابه

بتنهش فينا علشان احنا فيها غلابه 

الدنيا دى حدوته احنا ابطالها

والقصه مجهوله باعمالنا هنعرفها

الدنيا دى امتحان وسؤالها بيحير

علشان تجاوب عليه لازم من الكسل تتحرر

.

.

.

بقلمــــــــــــــــــــ    احمد كمال 

لعبه شيطان

لعب عليا الشيطان ودخلنى فى الصوره

الصوره فيها بشر احلامها مكسوره

بروازها كان من فضه يشد البشر ليها

واول ما يقربوا يتوهوا فى وسطيها



 بقلمــــ احمد كمال

اليك اشكوا

يارب يا عالم بالحال

قوينا على دوام الحال

خلي قلوبنا دايما قويه

وابعدنا يوم عن تعب البال

يارب ياعالم بالقلوب

خلى الكره فيها يدوب

خلى المحبه بينا تدوم

وتبات قلوبنا بعيده عن كل الشرور

بقلمـــــ احمد كمال

مصر تتألم

مصر تتألم 

القاهره المحروسه 

بقيت خلاص محبوسه 

جابت لنا بقى كام ولد 

وياترى مين فيهم حب البلد

فاكرين بدايه التحرير 

قالك دى كانت اشتباكات 

وفضلوا يجهزوا فى الخطط ويقولوا فى المبررات 

صعبانه عليا يابلد مليانه بغلابه 

علشان يلاقوا عشاهم بيلملموا زباله 

صعبانه عليا يابلد طول عمرك وانتى متهانه 

ومفيش حد تعبان فيكى غير الناس الشقيانه 

مصر مهمومه ومحدش حاسس بهمها 

مصر مجروحه ومحدش حاسس بجرحها 

صرخه من جوا القلوب مكتومه 

خلت كل البشر مخنوقه 

كان الرصاص جوا الميدان معروف 

كان الهتاف جوا الميدان معروف 

وابتدوا كلهم حولين الميدان يطوفوا 

الاختلاف كان دايما بينهم موجود 

لكن كل القلوب كانت بتدعى لربنا الموجود 

مصر بتتألم وكل اللى فيها مش حاسين  

وممكن نقول ان نصهم مش فاهمين 

سنين بتمر واحنا مبنملكش غير الاحلام 

وطول عمرنا خايفين تطلع احلامنا اوهام 

مصر بتتألم ومحتاجه للى يواسيها 

مصر بتتألم ومحتاجه للى يحس بيها 

امتى بقى هنحس بيها 

وامتى هنلاقى احلامنا بتكبر على اراضيها 

بقلمـــــــــــــــــ احمد كمال 

طريقك مبقاش طريقى

اعملى كل اللى نفسك فيه ومتسألنيش 

ولو فى مره جيت عاتبتك اعملى انك مسمعتنيش 

اللى مابينا اصبح ذكريات 

بس جرح قلبى هيفضل عايش مهينتهيش 

دا انا يوم ما جيتلك وقلتلك 

انى بحياتى امنت لك 

مش ضعف منى دا كان ياعمرى 

من حبى فيك 

كدبتى عليا وقلتى انك بتحبينى 

وبعد دا كله اتاريكى كنتى بتخدعينى 

قلتيلى بحبك وبعشقك 

وقدرتى انك بسرعه تدمرينى 

بقلمــــــــــ احمد كمال 

وشوش

وشوش

جرب فى مره تبص وتدقق فى الوشوش

هتلاقى شئ غريب مرسوم على الوشوش

فى وشوش تلاقيها

بتضحك على ماضيها

ووشوش تلاقيها

الدمع ماليها

ووسط الوشوش هتلاقى عيون حراميه

نظراتها بتسرق دايما احزان مداريه

وترجع للوشوش البسمه من تانى

وترجع الضحكه تنور قلوبنا من تانى

بقلمـــــــــــ احمد كمال

تابعونى على الفيس بوك

https://www.facebook.com/pages/احلام-الشاعر-الصغير/206142486074959