حصريا
ولاول مره
على
ادينا بندردش
رحله المتعه
الراحه
الاستمتاع
فقط بادر بالحجز والاستعداد
الأحد، 19 سبتمبر 2010
الجمعة، 10 سبتمبر 2010
مين هيبقى الريس؟
خوف كل يوم بيزيد وكلام كتير بيتقال.
وسؤال غريب مطروح .
مين هيبقى الريس؟
هيبقى راجل مننا وعلينا؟
ولا هيكون ضدنا وعلينا؟
هيحس بمشاعرنا ويراعيها؟
ولا هيرمينا ويدوس علينا؟
مين هيبقى الريس؟
وياترى هيعمل ايه فينا؟
هيحققلنا حلمنا ويعيشنا فيها؟
ولا هيقتل حلمنا ويدوس على فكرنا؟
مين هيبقى الريس؟
مش عارفين نختار
لاننا خايفين يكون كلامهم كله من ورا الستار.
هعمل وهسوى اكيد بس العمل بيكون محتاج تخطيط
تعبنا خلاص من كتر الخطط والتجارب
وبقينا زى فئران التجارب
الكل بيتعلم فينا واحنا اساسا مش بتوع مصالح
مين هيبقى الريس؟
لو عرفت تعالا قولى
وادينى قاعد ومستنى يا حلولى
السبت، 28 أغسطس 2010
بدون مقدمات
بدون مقدمات لانى اتعودت انى مكترش فى الكلام
هقول على الفكره او الكلمه اللى جوايا وبدون مقدمات
وياترى كلمتى النهارده هتكون عن ايه؟
كلمتى هتكون عنى وعنكم......
وازاى بيكون فكرى وفكركم........
اعزائى الشباب هحكيلكم حكايه
طيب ليه اساسا احكى حكايه وانا نفسينا حكاية!
بنزعل ؟
بنحبط؟
بنتخنق؟
بندمع؟
كل ده ليه وايه اساس الزعل وايه اساس يستحق من البدايه الزعل؟
انت دلوقتى بتقرا كلامى وشايفه بعنيك صح؟
طيب لو مكنتش قادر تشوف كلامى كان زعلك هيكون شكله ايه ياترى ؟
وبعدين انت شايف كلامى وعندك القدره انك ترد عليا وتكتب رايك صح؟
ايه رايك لو مكنش عندك القدره والاستطاعه على تحريك اصابعك لكتابة رايك
بصراحه؟
يعنى احنا بنزعل من حاجات لو فكرنا بجد فيها هنستفاد منها فى حياتنا
عايزين نخلى اى امر صعب يمر علينا فى حياتنا وسيله لينا لوصولنا لحلمنا
الثلاثاء، 17 أغسطس 2010
متشكرين
متشكرين
الكلمه دى اتقالت منا كتير
يوم ما مشينا فى سكه ضلمه وهربنا من حلم السنين
متشكرين
ياما طلعت منا كتير يوم ما انضربت واتهنت كتير
متشكرين
على علو صوتكم اللى فكرنى بصوت الحمير
متشكرين
بقولها دايما لانى صابر من سنين
متشكرين
بقولها لحكومه ظالمه بتنهب من سنين
متشكرين
يوم ما اتمسكت وايدى فاضيه واتهنت وبعلو صوت
متشكرين
ياريسنا يامعيشنا فى خوف كبير
متشكرين
يازالينا وضاربينا ومضيعين حقوق كتير
متشكرين
مليت منها وكفايه بقى شكر كتير
الاثنين، 16 أغسطس 2010
الأحد، 15 أغسطس 2010
اراء سياسيه
انا عندى اراء سياسية
فى الحاله الاجتماعية
وزياده فلوس النور
وحاجات تانيه اللى هيه
طبور عيش ممدود
وسط طريق مسدود
وحاجات بتحصل منه
دايما مش مرضيه
وتطلع لغايه بره
تركب كدا الاتوبيس
تلقاه بقى علبه
واتملا بالكلام والصويت
وقف ياعم الاسطى
نازل هنا على جمب
خلص بسرعه يابيه
الطريق بقى كله غم
وعاملى فيها مدير
بالبدله والشنطه
وسع ياسى الاستاذ
وحاسب زرار البدله
لما انت كدا وزير
راكب ليه الاتوبيس
ولاانت هتفرسنا
وتعيش علينا كبير
كفايه كدا اراء
لحسن الحاله خلاص
كرهت خلاص الكلمه
والراى والافعال
................................
ودى كام صوره واقعيه لطبور العيش والهدوء فيه
السبت، 14 أغسطس 2010
ايه رايك تسيبك من بكره
وتخليك فى النهارده
خليه اجمل من كل يوم
هتلاقى بكره يجيلك
على طبق من فضه
ويقولك انا هه موجود
تلقى الحياه قدامك
وكل الاحلام متحققالك
بس انت يلا قوم
وارمى كل الهموم
وعيش دايما حياتك
على الامل المرسوم
خلى فى قلبك نور
وحلمك امل مسطور
وعيش النهارده
مؤمن بقلب جسور
فكر فى النهارده
وسيبك من اى يوم
يوم مر خلاص وفات
او حتى يوم بعديه
اجرى وسابق الريح
واتعلم تبقى خفيف
واحلم اكيد ببكره
وبالامل يفضل على طول
الاشتراك في:
الرسائل (Atom)