بالعربى سندريلا

بالعربى سندريلا
مستوحاه من فيلم بالعربى سندريلا

من بره الدنيا وانا واقفه

وبراقب بعيونى الناس

والناس كلها بقيت قاسيه

واتعدم منها الاحساس

كاتمه الحزن فى قلبى

ومش عارفه اعيش حياتى ازاى

من بره الدنيا بتكلم

ومن جواها كلامى اوهام

من بره الدنيا بتعلم

ومن جواها تايهه فى وسط الاحلام

واول ما جاتنى الفرصه رفضتها

بس اوعوا تفتكروا انى خسرتها

بالعربى سندريلا

شخابيط قلم
احمد كمال

اعتراف

اعتراف

هقولك عـــ الل شاغل قلبى

هقولك على اللى فيه

لما بتكونى بعيده عنى

صعب اوصفلك احساسى بيه

بكون عايش فى نار

وحياتى من غيرك مرار

احساس غريب صعب انى اعيش

وابص جمبى الاقيكى مفيش

.
.
.
.
الشاعر الصغير

احمد كمال

هبتسم

هبتسم

وهخلى الضحكه تترسم

ومش هبقى تانى ياناس مهموم

اصلى الحياه عمرها ما تدوم

دى لسه الاحلام بتنادينى

تدور عليا بتلاقينى

مستنيها فى كل مكان

ورافع رايتها فى كل مكان

وطريق الحياه قدامى مرسوم

والحلم الحقيقى وحده اللى بيدوم

واللى ربنا رايد بيه هو المقسوم


.
.
.
.


احمد كمال

شهداء بورسعيد

شهداء بورسعيد

نص ساعه بدون كلام

وعايز المكان يتملى بالصمت التام

وعايزين نبص لبعضينا ونحس بالى فى القلوب

ولو اتعدم مننا الاحساس

يبقى منستحقش نعيش وسط الناس

دى صعب الدموع تنزل هدر

زى المطر

على اللى ماتوا وخلوا قلوبنا عليهم تنفطر

نظام قديم ولساه عايش فى كل مكان

سرق قوتنا واحلامنا وسلب منا الحياه

سكتنا عليه وانتظرنا عليه اعوام

بس لما صرخنا وقلنا حرام

فضل ينبش لنا القبور

ويقتل فينا فى كل مكان

80ولد وفى وقت واحد دمهم غطا المكان

رسموا بدمهم علم عمره ما يمحيه الزمان

80 ولد فارقوا الحياه

واللى قتل عايش ومتنعم بالحياه

بصرخ واقول للظلم لا

بصرخ واواسى كل ام صرخت على ابنها

بصرخ واعزى كل اب غاب عنه نور الحياه

.

.

.

احمد كمال

متلخبط اتكلم

متلخبط اتكلم

مع انى متعلم

وعمرى ما كنت فى السياسه بعرف اتكلم

متلخبط اتكلم

مش عارف اتكلم

مش معنى انى مهموم

يبقى انا مجنون

مش معنى انى بخاف

ابقى انسان جبان

مش عارف اتكلم

مع انى فنان

من غير ريشه ولا الوان

متلخبط اتكلم
.
.
.
احمد كمال

غصب عنى

حياتى من غيرك متساويش

 

وقلبى من غيرك ولا لحظه يقدر يعيش 

يا اطيب قلب حس بيا 

حبك دايما نور عنيا 

متخافيش مش هبعد عنك 

متخافيش انا ماشى فى ضلك

بحبك انتى مش حد تانى 

وعمرى ليكى ومش كون انانى 

واذا جيت فى مره وبعدت عنك 

سامحينى اصلى غصب عنى

:

:

:

:

:

احمد كمال

ملايين

قصيده ملايين

  

اتمنى ان تنال اعجابكم 

http://www.youtube.com/watch?v=zjWFmS3jDKw