مش عارف ليه دايما مخنوق
والديقه على طول بقيت طبعى
فى ذنوبى بماطل امتى هتوب يامهون هون لى قدرى
والديقه على طول بقيت طبعى
فى ذنوبى بماطل امتى هتوب يامهون هون لى قدرى
احمد كمال
الجمعة، 7 نوفمبر 2014
السبت، 30 مارس 2013
ربك هو العالم
ربك دايما عالم ايه الصالح ليك
أوعى تخلى الحزن فى لحظه يتحكم فيك
أرمى الدنيا من ورا ضهرك
وافرح واضحك خلى الفرح يبان فى عنيك
احمد كمال
هفضل مع حلمى
شايل بين ايديا احلامى وبعافر
برغم الظروف حوليا بحلمى عمال اكافح
وعمر اللى كان بيحلم بحلم ده كافر
ولا اللى احلامه تبقى حقيقه يصبح فاجر
الحلم مهما ان كان لازم اكون جمبيه
ولو يوم عليت عليه هيسيبنى ويهاجر
احمد كمال
انا مين
انا حلم حلمته ومعشتوش
انا حلم حلمته ومطلتوش
انا ذكرى ملهاش اى وجود
انا نفسى تايه من نفسى ملقتهاش
ووقت ما الفرحه زارتنى معرفتهاش
ولما الدمعه لزقت فيا مخاصمتهاش
انا 100 مليون دمعه فى بعضيها بتوجعنى
ولذكرى قديمه فى حياتى حالفه ترجعنى
انا100 مليون ضحكه فى بعضيها مليانه دموع
بتحن عليا لجل ما افرح وانسى الهموم
انا وقت بيعيد نفسه بعقرب ساعه
يلف يدور ويرجع من تانى لنفس الحاله
انا نفسى اعرف فين نفسى
انا نفسى احقق كل اللى فى نفسى
بس الاقى فى نفسى
احمد كمال
الأحد، 24 مارس 2013
.jpg)
.jpg)
اضحك رغم الابتلاء
احزان كتيره محاوطاك
وناس كتيره مش واقفه معاك
اتخلى عن كل اللى يدايقك
واتعلم تضحك رغم كل الابتلاء
لـــ احمد كمال
دفتر ذكرياتى
دفتر ذكريات
فتحت دفتر ذكرياتى
فضلت ادور ع اللى فات
لقيت الحزن لسه صاحى
والامل ياخساره مات
راجعت نفسى ولومتها
انا ليه برجع اللى فات
اللى فات خلاص هسيبه
هعتبره شخص فى حياتى مات
واللى جاى لازم اصونه
ويبقى احلى من اللى فات
وحلمى عمرى فى يوم ما اخونه
واقتله جوا دفتر ذكريات
لـــــ احمد كمال
الاثنين، 18 فبراير 2013
مستحقش دموعك
مستحقش يوم دموعك
او انى انام وتسهر جفونك
مستحقش اى حاجه
لو فى مره حس قلبك انى بخونك
لايك هنا و متبخلش احلام الشاعر الصغير
احمد كمال
قول يارب
صلى وادعى دلوقت الحجاب مكشوب
وباب السما ليك مفتوح
ادعى بنيه وقول يارب
يهون عليك وعلينا الكرب
احمد كمال
عارفه
عارفه لما بتفهمينى
وبكلمه منك تطمنينى
وبضحكه عاليه تجننينى
اقل كلمه اقولها ليكى تكون ♥بحبك♥
احمد كمال
دردشه مع حلمى
هطلع انا احسن منك
ولا يوم هخونك ولا يوم هضلك
ولا يوم هفكر فى البعد عنك
ولو فكرت اسيبك يوم هسيبك وتانى يوم ارجعلك
الجمعة، 1 فبراير 2013
ديوان"انك تحلم مش مستحيل"
توفيق ربنا ووقوفكم جمبى يا اجمل صحاب فيس بوك بجد فعلا شكرا لكل واحد شجعنى
وانتقدنى ووقف جمبى
ديوان "انك تحلم مش مستحيل "احمد كمال
الاثنين، 31 ديسمبر 2012
محدش عارف فين نصيبه
محدش عارف فين نصيبه
وايه الدنيا مخبياه
ولا حد عارف ليه حبيبه
حبه من اول ما التقاه
سعات القدر يجيب لينا اجمل ذكراه
وسعات تانيه يجيب لينا الحزن معاه
اختار لنفسك بكره اللى جاى
ارمى ماضيك الفرح ليك دلوقت جاى
محدش عارف لو الحزن اتملكك
وخليت احلامك كرهتك
ساعتها محدش عارف ايه اللى جاى
لكن لو اتخليت عن وحدتك
وخليت احلامك صاحبتك
ساعتها هتعرف ايه اللى بكره ليك جاى
ابيض واسود صوره الحياه فى عنيك مفهاش الوان
كاره حياتك وحاسس انك فيها مش انسان
محدش عارف فين نصيبه
وايه الدنيا مخبياه
قرب من ربك واخلصله فى يومك
هتلاقى بكره يقفلك انتباه
ومحدش عارف فين نصيبه
وايه الدنيا مخبياه
احمد كمال
تميز وابدع
كل ابداع بيعبر عن حاله والحاله دى بتشبه ناس كتير متخليش حد يوقف ابداعك مهما كان خلى ابداعك ينطلق لابعد الحدود
احمد كمال
احمد كمال
شكرا يارب 2
شكرا يارب
يارب قلت ادعونى وانا هستجيب
وانا سمعت الندا ودعيت لقيتك لبيت
شكرا يارب على وقوفك جمبى فى محنتى
شكرا يارب لانك لبيت شكوتى
شكرا يارب اقل كلمه اقولها ليك
فى سجدتى فى دعوتى بحاول انى اقرب ليك
يارب مليش فى الوجود غيرك
وحدك وعالم مقدرش انى اعيش من غيرك
شكرا يارب لانك طمنتنى
بوجودك جمبى مفيش ولا حاجه تهزنى
شكرا يارب
احلام الشاعر الصغير
لــــــ احمد كمال
شوق
وحشتينى ياقمرى
ومشتاق لعنيكى الحلوين
دا انا لو هدور طول عمرى
فى طيبه قلبك ما هلاقى مثيل
لـــــــــ احمد كمال
شكرا يارب
قرب من ربك هتلاقى الدنيا بتفتحلك الف باب وباب
افتح قلبك خلى الفرح يتسرسب بخفه كدا جواك
اهرب من الحزن اللى محاوط دنياك
قرب من حلمك ومد له ايديك
اتعلم ازاى تسايسه وتحافظ عليه
قول يارب اول ما تحس ان الدنيا خاصمتك
هتلاقيها فى لحظه جت لغايه عندك وصالحتك
قرب من ربك واشكيله همومك
هو وحده من اى غلط هيصونك
قول فى سرك بصوت هادى وبنفس عميق يارب
على صوتك وبنفس اعمق قول يارب
وغمض عنيك وقول يارب
هتحس براحه بال وارتياح شديد
وتلاقى قلبك مطمن وهادى اكيد
قرب من ربك وابكيله
هو وحده قادر يمسح دموعه
قول يارب ومتبخلش على نفسك بيها
الكلمه دى تطمن قلبك وتكفيك من الدنيا باللى فيها
لـــــ احمد كمال
الأحد، 9 ديسمبر 2012
من حقك ومن حفى
من حقك وبكل بساطه تعبر عن رايك وتقول
بس تقول من غير وقاحه ومتوصفش غيرك بالفلول
ولا توصف غيرك على انه شبه الخروف
قول رايك مفيش مانع ولاحاجز ولاممنوع
قول رايك بدون ضرب ولا اهانه ولا اى كلام ممنوع
مش من حقك تقتلنى
ولا من حقى اقتلك
لكن من حقك تنقدنى
وانا من حقى انقدك
دينى ودينك فى نفس الوطن عايشين
ولكل شبر فى البلد بايدينا بانيين
لو كل كلمه هقولها ليك هتقتلنى
او اى كلمه تقولها ليا اقتلك
اسمحلى اقولك عشيتكم دى متلزمنيش
ولو كنوز الدنيا بدال روحى متعوضنيش
دم اللى مات على الارض دا دمى
والشهيد لو مش اخويا فهيكون مقامه زى ابن عمى
تار البلد دا تارى
والارض لو مش ارضى فكفايه انى عشت عليها وشالت همى
من حقك ومن حقى
نعيش على الحلوه والمره
ونتقاسم مابينا اللقمه
واللى يفكر يوم يعادينا
نقف ضده وايدينا فى ايد بعضينا
لــــــــــ احلام الشاعر الصغير
الخميس، 29 نوفمبر 2012
قلبى فى ايديها عجينه
وبرغم عنادها سعات وسعات
والضحكه تكون منها عجيبه
انا قلبى بحبها مال وخلاص
اصبح فى ايديها عجينه
الاشتراك في:
الرسائل (Atom)