ok1

السبت، 30 مارس 2013

ربك هو العالم



ربك دايما عالم ايه الصالح ليك 


أوعى تخلى الحزن فى لحظه يتحكم فيك 

أرمى الدنيا من ورا ضهرك 

وافرح واضحك خلى الفرح يبان فى عنيك 

احمد كمال 

هفضل مع حلمى






شايل بين ايديا احلامى وبعافر 

برغم الظروف حوليا بحلمى عمال اكافح 

وعمر اللى كان بيحلم بحلم ده كافر 

ولا اللى احلامه تبقى حقيقه يصبح فاجر 

الحلم مهما ان كان لازم اكون جمبيه 

ولو يوم عليت عليه هيسيبنى ويهاجر


احمد كمال

انا مين


انا حلم حلمته ومعشتوش 


انا حلم حلمته ومطلتوش 

انا ذكرى ملهاش اى وجود 

انا نفسى تايه من نفسى ملقتهاش 

ووقت ما الفرحه زارتنى معرفتهاش

ولما الدمعه لزقت فيا مخاصمتهاش
 
انا 100 مليون دمعه فى بعضيها بتوجعنى 

ولذكرى قديمه فى حياتى حالفه ترجعنى 

انا100 مليون ضحكه فى بعضيها مليانه دموع 

بتحن عليا لجل ما افرح وانسى الهموم 

انا وقت بيعيد نفسه بعقرب ساعه 

يلف يدور ويرجع من تانى لنفس الحاله 

انا نفسى اعرف فين نفسى
 
انا نفسى احقق كل اللى فى نفسى
 
بس الاقى فى نفسى 


احمد كمال

الأحد، 24 مارس 2013

رباعيه *





بتوضى من نيلك 

وشارد على ارضك 

وبغنى مواويلك 

ونفسى اصون عرضك 

احمد كمال

رباعيه






فى غمضه عين 

تلاقى الدنيا تتشقلب 

وحلمك يبقى عايش ليك 

وحزنك للفرحه يتشقلب 



احمد كمال

اضحك رغم الابتلاء





احزان كتيره محاوطاك 

وناس كتيره مش واقفه معاك 

اتخلى عن كل اللى يدايقك 

واتعلم تضحك رغم كل الابتلاء



لـــ احمد كمال

دفتر ذكرياتى





دفتر ذكريات

فتحت دفتر ذكرياتى

فضلت ادور ع اللى فات

لقيت الحزن لسه صاحى

والامل ياخساره مات


راجعت نفسى ولومتها

انا ليه برجع اللى فات

اللى فات خلاص هسيبه

هعتبره شخص فى حياتى مات

واللى جاى لازم اصونه

ويبقى احلى من اللى فات

وحلمى عمرى فى يوم ما اخونه

واقتله جوا دفتر ذكريات 

لـــــ احمد كمال