مصر تتألم

مصر تتألم 

القاهره المحروسه 

بقيت خلاص محبوسه 

جابت لنا بقى كام ولد 

وياترى مين فيهم حب البلد

فاكرين بدايه التحرير 

قالك دى كانت اشتباكات 

وفضلوا يجهزوا فى الخطط ويقولوا فى المبررات 

صعبانه عليا يابلد مليانه بغلابه 

علشان يلاقوا عشاهم بيلملموا زباله 

صعبانه عليا يابلد طول عمرك وانتى متهانه 

ومفيش حد تعبان فيكى غير الناس الشقيانه 

مصر مهمومه ومحدش حاسس بهمها 

مصر مجروحه ومحدش حاسس بجرحها 

صرخه من جوا القلوب مكتومه 

خلت كل البشر مخنوقه 

كان الرصاص جوا الميدان معروف 

كان الهتاف جوا الميدان معروف 

وابتدوا كلهم حولين الميدان يطوفوا 

الاختلاف كان دايما بينهم موجود 

لكن كل القلوب كانت بتدعى لربنا الموجود 

مصر بتتألم وكل اللى فيها مش حاسين  

وممكن نقول ان نصهم مش فاهمين 

سنين بتمر واحنا مبنملكش غير الاحلام 

وطول عمرنا خايفين تطلع احلامنا اوهام 

مصر بتتألم ومحتاجه للى يواسيها 

مصر بتتألم ومحتاجه للى يحس بيها 

امتى بقى هنحس بيها 

وامتى هنلاقى احلامنا بتكبر على اراضيها 

بقلمـــــــــــــــــ احمد كمال 

طريقك مبقاش طريقى

اعملى كل اللى نفسك فيه ومتسألنيش 

ولو فى مره جيت عاتبتك اعملى انك مسمعتنيش 

اللى مابينا اصبح ذكريات 

بس جرح قلبى هيفضل عايش مهينتهيش 

دا انا يوم ما جيتلك وقلتلك 

انى بحياتى امنت لك 

مش ضعف منى دا كان ياعمرى 

من حبى فيك 

كدبتى عليا وقلتى انك بتحبينى 

وبعد دا كله اتاريكى كنتى بتخدعينى 

قلتيلى بحبك وبعشقك 

وقدرتى انك بسرعه تدمرينى 

بقلمــــــــــ احمد كمال 

وشوش

وشوش

جرب فى مره تبص وتدقق فى الوشوش

هتلاقى شئ غريب مرسوم على الوشوش

فى وشوش تلاقيها

بتضحك على ماضيها

ووشوش تلاقيها

الدمع ماليها

ووسط الوشوش هتلاقى عيون حراميه

نظراتها بتسرق دايما احزان مداريه

وترجع للوشوش البسمه من تانى

وترجع الضحكه تنور قلوبنا من تانى

بقلمـــــــــــ احمد كمال

تابعونى على الفيس بوك

https://www.facebook.com/pages/احلام-الشاعر-الصغير/206142486074959

انسى اللى فات

انسى اللى فات 

انا عارف انك مجروحه وقلبك مليان جراح

بس اسمعينى واعرفى انى نفسى معاكى انا ارتاح

كفايه بقى الوقت اللى ضاع

كفايه بقى العمر اللى راح

صفحه جديده هنبداها

 وبحبى ليكى  انا هبدئها  

وهعيش وياكى عمر جديد

ومحدش يقدر يفرقنا

انسى الجراح وانسى اللى فات

واللى عدا دا عمر ومات

هنبدا حيتنا مع بعضنا

وهنعوض كل لحظه من العمر اللى فات
.
بقلمــــــــــــ احمد كمال
.

رساله الى همى والى كل مهموم

رساله الى همى والى كل مهموم 

هو الهم اللى قاصدنى 

ولا انا اللى قاصده 

تملى ابعد عنه يخاصمنى 

ويرجع تانى يصالحنى 

ياهم مايتلم 

خليت حياتى غم 

ابعد بعيد واتلم 

كام مره شفت السما بالليل مليانه غيوم 

فجاه لقيتها صفيت واتملت كلها بالنجوم

نفسى كدا يحصل لهمى واصفى من الهموم 

واعيش دايما حياتى صافيه بدون هموم 

بقلمــــــــــــ  احمد كمال    

تابعونى على الفيس بوك    

                                                  احلام الشاعر الصغير

يموت الانسان حينما يفقد قدرته على التمنى والحلم 

فدائما الانسان الذى قادرا على الحلم والتمنى لديه مقومات الحياه والقدره على التحدى لكل الصعاب ولا يخطى دائما لانه يعلم انه اذا اخطا فانه يؤثر على امنياته واحلامه 

ارمى اوهامك

حرر واتخلص وارمى الاوهام

وابدا يلا معايا فى لحظه وعيش الاحلام

وكفايه عليك كدا راحه البال

والصحه تمام وعال العال

ولو حلمك كان لسه فى اوله

جرب تحاول وتعيش وتكمله

وتعيش حياتك م البدايه للنهايه

اوقات جميله عمرها ما تتنسى

..

.....

بقلمــــــــــــ  احمد كمال 

تابعونى https://www.facebook.com/pages/%D8%A7%D8%AD%D9%84%D8%A7%D9%85-%D8%A7%D9%84%D8%B4%D8%A7%D8%B9%D8%B1-%D8%A7%D9%84%D8%B5%D8%BA%D9%8A%D8%B1/206142486074959

احنا المصريين

احنا المصريين 

احنا دايما مصريين 

فى كل حته معروفين 

فى كل وقت وفى كل مكان 

صوتنا بيهز اى كيان 

وفى كل صوره متبروزه 

تلقى الوشوش دايما مرفوعه ومتعززه 

احنا المصريين احنا 

بنعدى دايما اى محنه 

ومهما طالت بينا الغربه لايام كتيره 

بتفضل قلوبنا على الوطن مليانه بالغيره 

بقلم 

     احمد كمال 

اللهم اجعل مصر بلد الامن والامان