ok1

السبت، 23 يوليو 2011

شاعر




بنلف وبندور عــالحياه جوا الوطن

والوطن قدام عنينا وفارد جناح الدفا

دايما بندور على جاحه

نهرب بيها من جوا الوطن

مع ان الوطن بيحمينا

ودايما مضلل علينا

أنا شاعر

بس مش شاعر بكلمات

أنا شاعر

وبحس بنبض الوطن

شاعر وحاسس بصوت البشر

اللى صعب انها تتكلم

شاعر وطالع فى عز الدفا

بلملم واجمع فى قطر الندا

عشان يروى قلوبنا

ويخليها بعد القسوه ترجع تحن

وتحس بدف الوطن

شاعر وعايش ما بين الحياه

بشوف جوايا على طول الفشل

عشان اغير لازم اتغير

وأزاى اتغير وانا مش حاسس حتى الدفا

جوا وطنى عايش كأيب

والناس بتعاملنى على انى غريب

وانى جاى من كوكب بعيد

كل ده عشان افكارى

بتفيد الوطن

ياترى مين الشاعر

الشاعر اللى كاتب ولا

الشاعر اللى حاسس

بضوء القمر

لما بيزعل وبيختفى

الشاعر اللى كاتب ولا

الشاعر اللى عارف

اللى مخبياه قلوب البشر

بالرغم من سكوتهم

وبالرغم من وقوفهم

إلا أنه حاسس بنبض سكوتهم

من جوا الجسد

قلولى مين الشاعر ياترى

الشاعر اللى حاسس

ولا

الشاعر اللى كتب


احمد كمال

الأحد، 17 يوليو 2011

بحلم بايه





بحلم بايه

بيسألونى بتحلم بايه 

بحلم بقلب يحبنى

بحلم بحضن يلمنى

بحلم بناس تفضل معايا تعزنى

بحلم ببكره يشدنى

لنور القمر ويدلنى

على كل حلم حلمت بيه

وكل قلب حنيت اليه

هو ده كان ردى ليهم 

لما سالونى بتحلم بايه

احمد كمال

الجمعة، 15 يوليو 2011

اعتزار موجه لمصر






أيه معنى الرجولة فى وقت اختفى فيه الراجل

عارفه يا مصر انا بعذرك على اللى انتى فيه

حالك بقى فى النازل وبقيتى خراب

ليكى حق فى قسوه قلبك علينا

بنقول دايما اننا

مظلومين

مجروحين

وبحياتنا متهانين

عيشه صعبه

وصحبه ضايعه

واحنا دايما مخدوعين

حكايات بنحكيها

واحنا عايشين فيها

وبننساها

وبنرميها

وسعات بكنبر فيها


رجاله ورجولة

معناهم أيه

وقت صعابنا ياترى نلقاهم

ولا يكونوا فين مداريين

رجاله

بتسيب اللى قتل وتمسك اللى اتقتل

ورجاله تانيه حالها غريب

لما تموت الأم وهى بتولد بنت

وراجلها من بره بيصرخ

يا خسارة كان نفسى فى ولد

باع الام ونسيها وافتكر انه نفسه فى ولد

بالذمه دا اسمه كلام

قلت الحق فى مره فى واحد اتقتل

بقيت عايش مربوك

خايف من الموت

اهو دا نسى انه لو مات بقول الحق

هيموت منصور مش مغدور


بعنا القضيه وافتكرنا ان حالنا اصبح عدم

عيشه كئيبه بناس موكوسه

كل حياتها بتمشى بكوسه

وبقيت البشر عايشه محبوسه

بنقتل جارنا عشان عيال

ويعيش الطار مرفوع الرأس

أتغلب  على العقول

وموت كل القلوب

فين رجولتنا وقت صعابنا

وخوفنا على بعضينا


سعات فى كلام بيلزق جوايا ومبيطلعش

وكلام تانى بيعدى وكانه ماتسمعش

وهحكيلكم حكايه شاب

دا شبه الديب

حاله غريب

بينام بعين وحده

خايف من الناس

ما هو مداس

ملهش أساس

ولا لزمه

دا كلب جبان

عايش متهان


اختار يسرق ويقتل

واهو ادمر

انا عارفك يا مصر كئيبه

والناس فيكى بقيت غريبه

ورجاله كتير حالها أتغير

أنا عارف وليكى العزر

وانا دايما بتكلم وبوجه ليكى الشكر



وجاتنا نيله على وكستنا

ويافرحتنا ويا خيبتنا

على حالتنا وياطريقنا

حياة متهانة

بناس نعسانة

ومسطولة ودماغها خربانة

وبسجارة ساده أو ملفوفة

بيعمل دماغ مش موزونه

وتكلمه يقولك كِيف

أنا بعمل دماغ بفكر نضيف

وبكبايه او حقنه مضروبة

يضيع نفسه ويطفح الكوته


ايوه يادنيا سامع صوتك ويا انينك

حاسس بيكى وبخوفك علينا


رددى يادنيا واصرخى ياحياه

وقولى على ضياع الحال

رجاله بقيت من ورق

مبتعرفش مين الغلطان

ولا ايه الحال

المهم صوتهم يعلا

ويعكروا جو الحياه

وفى ارض الواقع أنزل شوف

الرجالة أصحاب الوشوش

كل شويه بكلمه وحال


اسف ليكى يامصر على رجالتك

لو كلها كدا

وليكى الحق تقسى علينا

لو فضلنا طول عمرنا كدا



احمد كمال