سعات بكتب واحساسى بيكون خيال
وسعات تانيه احساسى بيكون واقع فعال
واحساسى دلوقتى اصبح احساس كداب
اطلع مظاهره وارفع شعار
واندد واقول لا للنظام
احساسى رافض يطلع
وقلمى مش عارف يكتب
جرالك ايه يامصر
جرالكم ايه يا ناس عايشين فى مصر
انا خايف وبدمع
وقلبى بيولع
وعمرى خلاص بيضيع
شعورى غريب
ملهش مثيل
عايز احس انا بالامان
عايز احس بانى انسان
مش عايز اعيش وانا متهان
دا انا شفتهم بيخربوكى
سمعتهم بيشتموكى
وياخساره اهانوكى
وبالرخيص باعوكى
ما هما اللى نهبوكى
ومن غير تمن رموكى
ومسكوكى
وضربوكى
ودبحوكى
ودفنوكى
وخسروكى
ونسيوكى
وبعدين رجعوا يحيوكى
ويقولوا انهم حبوكى
وبعدين ضيعوكى
وسجنوكى
وحبسوكى
وبالضرب عذبوكى
وبعدوا عنك وسابوكى
ورجعوا تانى يحيوكى
ونسيوا اللى قالوه فيكى
فوق الكل يامصر هتبقى
هتعيشى فى قلوبنا على طول
مش هنهرب يوم منك
وننسا فى يوم خيرك فينا
دا انا طول عمرى عايش فيكى
وبكتب ليكى
وببكى عليكى وقت الجرح
وبدافع عنك وقت الحرب
هفضل فيكى
وعلى اراضيكى
هبنى وعمر واعلا انا بيكى
